其實相信好多人都係呢一日開始頂唔順呢個政府同埋警隊，我知道好多人都有係唔同嘅位置幫忙，有啲人做急救，有啲人做文宣，有啲人選擇捐錢。
呢排我好正經好溫和咁係《星期三港案》為大家聲音導航咗好多集，其實都係想再呼喚起大家嘅記憶，唔好咁容易忘記呢兩個月發生嘅每一件傷痛，亦都唔想大家咁容易去習慣每一件唔合理嘅事。
黎緊有一件最岩和平理性非暴力嘅大家做嘅事，就係參與8月5日嘅罷工，唔想罷工你都有權病。
今日八號風球，咁鐘意返工、要養妻活兒嘅大家又唔投訴天文台，又唔繼續留守你嘅工作崗位？其實事實係你唔返一日工唔會死，但好多𡃁仔、呢個香港就黎死喇！
我諗呢排唔少人都買左好大金額嘅贖罪券，但係一日唔贏，你疊贖罪券買幾厚都冇用。
Search